فتحت Claude مرة أو مرتين ، ورده طلع عادي ، وما عرفت وش تسوي فيه؟
هالدورة تأخذك من تحميل التطبيق لين تستخدم Claude في شغلك أو دراستك كل يوم. 33 درس قصير ، كل درس دقيقتين إلى أربع ، وينتهي بشيء تجربه بيدك.
ما فيها تنظير. كل درس خطوات ، ومثال قبل وبعد ، وبرومبت جاهز تنسخه.
لمين الدورة:
- واحد ما حمل Claude للحين ، ويبغى يبدا صح من أول يوم.
- واحد جربه وما لقى فرق ، ويحس إن غيره يطلع منه شغل أحسن.
- موظف أو طالب أو صاحب متجر ، يبغى يختصر وقته في الكتابة والتلخيص والملفات.
- ما تحتاج خبرة تقنية ، ولا اشتراك مدفوع. كل الدروس تمشي على المجاني.
وش بتتعلم:
- من الصفر: تحميل التطبيق ، الحساب ، وأول إعدادات تضبطها.
- الاشتراكات والموديلات: وش الفرق بينها ، متى تدفع ، وأي موديل تختار.
- كيف تطلب: البرومبت أربع قطع ، وكيف تعدل على الرد بدون ما تبدا من جديد.
- عطه شيء يشتغل عليه: ملف PDF ، صورة ، جدول ، وبحث بالنت.
- كيف تتأكد من كلامه: متى تثق فيه ، ومتى لا.
- اطلع بشغل جاهز: ملف Word و PowerPoint و Excel ، وأداة تستخدمها.
- خله يكتب بصوتك وبلهجتك ، بدون كلام AI.
- استخدامات يومية: للشغل ، للدراسة ، وللحياة.
- عادات وأخطاء: وش ما ترسله ، وعشر أخطاء يسويها كل مبتدئ.
وش تأخذ معها:
- 44 برومبت جاهز بزر «انسخ».
- خطة 7 أيام ، عشر دقائق كل يوم.
- قاموس مصغر للكلمات اللي تمر عليك.
- الدورة تحفظ وين وصلت ، وتكمل من نفس المكان.